Прывітанне шэф-інструктара NSKF Пембы Таманга
Каратэ з’яўляецца адным з многіх шляхоў да самаўдасканалення, навучання і пазнання сябе. Я люблю і паважаю каратэ, і таму прысвяціў сваё жыццё гэтаму праўдзіваму шляху. На працягу многіх гадоў я ішоў па гэтым шляху шчыра, аддана і ўпарта трэніруючыся.Пасля 25-ці гадоў жыцця ў Токіа я вярнуўся да прыроды, падобнай на прыроду тых месцаў, дзе я нарадзіўся, паблізу Гімалаяў. Усяго ў двух з паловай гадзінах паездкі на цягніку ад Токіа, у асяроддзі прыгажосцяў прыроды я магу пайсці ў глыб майго каратэ і больш поўна зразумець метады, якія даравалі мне так шмат знакамітых сэнсэеў, што навучалі мяне.
На мой погляд, само імкненне да добрай тэхніцы каратэ, прыносіць задавальненне і шчасце. Канцэнтруе вашы розум і цела на адпрацоўцы гэтых тэхнік. Часам мы трацім занадта шмат часу для абмеркавання і разважання пра каратэ. Памятайце, толькі практычная падрыхтоўка адкажа на ўсе нашы пытанні. Маўчанне — золата! Разуменне важнасці базавай тэхнікі было выказана і адным з бацькоў-заснавальнікаў Сётакан каратэ, майстрам Гічынам Фунакошы. Упарта працуйце, будзьце сумленныя ў сваім сэрцы – і вы адкрыеце для сябе праўду каратэ. NSKF служыць арыенцірам для сваіх студэнтаў на гэтым шляху.
NSKF імкнецца падтрымліваць каратэкаў ва ўсім свеце ў усведамленні важнасці гэтага шляху, а разам з урокамі прыроды, паказвае просты, чысты і дынамічны шлях каратэ і праўдзівы дух Бусідо.
Любіце каратэ, прысвяціце сябе ўдасканаленню тэхнікі каратэ і вы адкрыеце для сябе шмат урокаў з вялікай таямніцы Жыцця. Гэта доўгі і цяжкі шлях, але вельмі карысны. NSKF імкнецца паказаць вам гэты шлях, каб садзейнічаць стварэнню добрай і дынамічнай тэхнікі. Шлях каратэ, гэта шлях Бусідо.
Шэф-інструктар NSKF
Пемба Таманг